Ndërkohë që numri i pacientëve me koronavirus vazhdon të bjerë në Kinë dy spitale të tjera të përkohshme e kanë pezulluar punën në Wuhan.
Qyteti deri më tani ka ndaluar funksionimin e 11 spitaleve të improvizuara, nga 16 të tillë të krijuara në mjedise publike për trajtimin e pacientëve me koronavirus.
E megjithatë stafi mjekësor në spitale mbetet në gatishmëri. Në epiqendrën e shpërthimit të virusit janë raportuar vetëm 40 raste të reja gjatë 24 orëve të fundit, numri më i ulët që prej përhapjes së epidemisë, nga 2000 që raportoheshin brenda një dite në kulmin e situatës.
Më shumë spitale të përkohshme pritet të mbyllen në Hubei, ndërsa masat e rrepta të parandalimit dhe kontrollit do të mbahen.
Deri më sot në Kinë, 110 107 raste me koronavirus, 3 831 kanë humbur jetën dhe 62 355 persona janë shëruar.
