Lajm i mirë për pacientët që vuajnë nga kanceri i avancuar i veshkave, pasi një trajtim dyfishon jetëgjatësinë e tyre.
Kacinoma e qelizave renale, forma më e zakonshme e kancerit të veshkave, mund të përhapet shpejt nëpër trup dhe nëse diagnostikohet në një fazë të vonë është e paoperueshme.
Në këto raste, trajtimet me ilaçe janë zakonisht i vetmi opsion që mbetet për zgjatur jetën e pacientëve, të cilëve mund t’u jepet edhe më pak se një vit jetë. Mjeku John McGrane, një onkolog në Royal Cornëall Hospitals në Britani tha se lajmi i madh është se ky kombinim dyfishon jetëgjatësinë e pacientëve, krahasuar me ilaçet aktuale në përdorim.
Po ashtu, gjë tjetër që është shumë e rëndësishme është edhe fakti që ka më pak efekte anësore. Kjo do të thotë se pacientët që do të marrin këtë trajtim, do të jetojnë më gjatë dhe me më pak dhimbje dhe ankth. Deri më tani, trajtimi më i mirë i përdorur për këtë lloj kanceri ka qenë një ilaç i quajtur sunitinib, i cili ndalon qelizat kancerogjene të rritin enë të reja të gjakut, duke zvogëluar furnizimin e tyre me oksigjen dhe lënë ushqyese deri në pikën ku tumori zvogëlohet ose ndalon rritjen.
Por studimi i ri sugjeron një kombinim të nivolumab dhe cabozantinib, dy ilaçe që përdoren për të trajtuar disa lloje të tjera të kancerit.
Nivolumab punon duke ndihmuar sistemin imunitar për të ndjekur dhe shkatërruar qelizat kancerogjene. Cabozantinib punon në një mënyrë të ngjashme me sunitinib, duke bllokuar rritjen e enëve të gjakut në tumore. Në fillim të shkurtit, rezultatet e një studimi zbuluan se së bashku, ata ndaluan kancerin të përparonte mesatarisht për 17 muaj, më shumë se dyfishimi i jetëgjatësisë që ofron sunitinib.
Tumoret u zhdukën plotësisht në nëntë përqind të pacientëve në terapi të kombinuar, krahasuar me katër përqind nga sunitinib.
