Një shqiptar është bërë protagonist i një ngjarje të rëndë në Itali, pasi ka qëlluar me armë zjarri në drejtim të ish-të dashurës së tij. Ngjarja në fjalë u regjistrua mbrëmjen e djeshme rreth 20:30 në Vicenza të Italisë. Mediat italiane raportojnë se 26-vjeçari shqiptar Graciano Qori, bashkë me një shokun e tij me inicialet M.K, të dy me precedentë penale, kishin ndjekur një makinë në të cilën udhëtonte ish e dashura e shqiptarit bashkë me partnerin e ri, një djalë serb.
Pasi u ndoqën për disa momente, vajza e alarmuar lajmëroi policinë, ndërsa ish i dashuri shqiptar i kërcënoi me një pistoletë dhe më pas qëlloi ndaj mjetit tip ‘Mercedes’ dy herë, dhe një herë në ajër.
Fill pas ndjekjes nga policia ‘Il giornale di Vicenza’ shkruan se Graciano qëlloi sërish edhe dy herë me pistoletë në rotondon “Albera”, ndërsa më pas u largua prej aty. Pas dëshmisë së saj në polici, vajza shqiptare pohoi se një prej personave që ndodheshin në mjetin që i qëlloi me armë ishte ish i dashuri i saj, i cili u ndalua. Ndërkohë ka nisur porcedimi i shokut të tij, shtetasi me inicialet M.K. Tashmë 26-vjeçari akuzohet për dhunë, kërcënim, dëmtim prone dhe prishje të qetësisë publike. Po ashtu policia ka nisur proceduar për të dëbuar Graciano Qorrin nga Italia.
Sakaq, në cilësinë e provës materiale u sekuestrua edhe arma me të cilën ishte qëlluar dje, pasi 26-vjeçari e hodhi atë nga dritarja e makinës në sheshin “Crispi”, pranë një salle lojërash elektronike.
