Ditën e hënë më 19 gusht, do të zhvillohet një marshim proteste në kërkim të drejtësisë për vdekjen e 42-vjeçarit Eglantin Proga. Marshimi, që do të nisë në orën 19:30 nga sheshi Skënderbej dhe do të përfundojë para Kryeministrisë, do të mbajë moton “Kundër gangove me pushtet”.
Vdekja e Eglantin Propës është mbuluar me mister, ndërsa dyshohet se ai është vrarë në një ngjarje që ka tentuar të mbahet e fshehtë. Gjykata ka vendosur “Arrest me burg” për Denis Meçen, i akuzuar për vrasjen e Eglantin Popës. Për tre të tjerë të akuzuar për moskallëzim krimi, janë caktuar masa “detyrim paraqitje”.
Familjarët e viktimës kanë shprehur shqetësimin e tyre për trajtimin e rastit nga drejtësia, duke akuzuar se drejtësia nuk është e plotë dhe se Eglantini është “vrarë sërish” për shkak të mënyrës se si po trajtohet ngjarja. Ata kanë kërkuar nga mediat që të ndihmojnë në zbardhjen e të vërtetës dhe kanë theksuar se dyshojnë se vrasja ka qenë rezultat i refuzimit të Eglantin Progës për të paguar një “gjobë” që i ishte kërkuar nga individë të njohur në qytet për aktivitete kriminale.
