Zgjerohet rrethi i personave të përfshirë në çështjen e kultivimit të kanabisit në Përmet.
Gazetarja Brikena Metaj, raporton për “BalkanWeb”, se mes të arrestuarve është dhe kryeplaku i Frashërit, Klodjan Mustafa, 43 vjeç. Arrestimi i tij u pasua me një tjetër veprim nga ana e Prokurorisë së Përmetit, për detyrim paraqitje të inspektorëve të Policisë së zonës së Frashërit, Dhimitër Shytit dhe Maltin Dailajt.
Ndërkaq, po detyrim paraqitje është vendosur edhe për inspektorin e Zonave të Mbrojtura në Përmet, Joan Amallanin. Të gjitha këto veprime ndaj uniformave blu, janë ndërmarrë pas sinjalizimeve nga SHÇBA E Vlorës.
Kjo është shoqëruar po dje me pezullimin nga detyra të shefit të Komisariatit të Përmetit, Petrit Gjokaza, ndërsa mbahet në arrest shtëpie, ish-shefi i krimeve të rëna të Komisariatit të Përmetit, Shpëtim Makashi. Në vend të Gjokazës është komanduar Vilson Dine, shefi aktual i Policisë së Kriminale në Përmet. Ne komisariatin e policisë Përmet procedohet shefi i komisariatit, ish-shefi i krimeve dhe specialistë policie të zonës sepse dyshohen të jenë te përfshirë në evidentimin e një parcele kannabis.
