Në prani edhe të homologut të tij, Albin Kurti, Rama vlerësoi lart figurën e Qoses, ndërsa nuk la pa kujtuar këshillat apo edhe kritikat që ai ka bërë.
Rama e konsideron Qosen, “zotni burrë” dhe një intelektual e patrioti të palëkundur. Kreu i qeverisë solli në vëmendje një artikull kritikues të Qoses, kur ai ishte në opozitë.
Rama vlerëson Rexhep Qosen me dekoratën “Kordoni i Madh me Yll i Medaljes”
“Ti shprehësh mirënjohjen dhe të nderosh një njeri të admirueshëm do të thotë të marrësh falas në këmbim uratën e tij.
Kjo nuk ka sesi të mos më lumturojë. Aq më tepër që unë jam vetëm kryeministri më i mirë mes artistëve, ndërsa profesori është më i larti i vetëdijshmëve të një gjuhe dhe gjaku përgjatë harkut të një jete të përputhur me periudha nga më të zymtat.
Vetëdija atdhetarë e Qoses është tipari dallues i një intelektuali dhe patrioti të palëkundur. Një zotoni burrë.
Profesor Qosja qëndron në kohë si shembull i gjurmimit të së mirës së përbashkët, në një vend kur zhurmat dhe pluhurat mendor e kanë dominuar prej kohësh mjedisin publik.
Ka qenë shumë vite më parë kur asa kohe nxënës në liceun artistik mes rafteve të librave të censuruara nga regjimi mua më ra në dorë një libër me titull anatomia e kulturës
Ishte i lejuar, por kishte një ndjesi tjetër dhe përçonte një armo tjetër nga botimet shabllone. Qysh atëherë unë u vura në gjurmët e autorit të atij libri që në ato fare pak fotot bardh e zi mua më ngjante si një dëshmitar i dinastisë së dëshmitareve të historisë shqiptare.
Kur flitej për Barletin apo për Gjeçovin mua ata më shfaqeshin me portretin e Rexhep Qoses.
Profesori i meriton të gjitha, për mua Rexhep Qosja hyn në ata njerëz që për mua është më fat dhe e konsideroj vetëm me privilegj që e njoh personalisht.
Mbase sot është dita për të thënë se nga koha kur isha në opozita sot nuk më kritikon që kam ardhur me duar në xhepa. Nuk e di sa i kujtohet të tjerëve, e kam fjalën kur njëherë gjate inspektimit ne nje shkolle si kryetar i bashkisë por edhe kryetar i opozitës kamerat më zunë gafil me duar në xhepa. Dhe ju vëzhgues i imtë më qortuat me një artikull që bëri bujë “Opozitë me duar në xhepa”.
Ishte një qortim shumë gërvishtës, që nisej me duar e mija në xhepa dhe bitisej në përfundime të hidhura të opozitës së asaj kohe.
Kritikët e mi janë të bindur që mua kritikat nuk më bëjnë përshtypje. Por unë ju sfidoj që të shikoni dhe gjeni një pamje të vetëm gjatë inspektimeve me duar në xhepa”, tha Rama.
