Në kuadër të Ditës Ndërkombëtare të Fëmijëve të Humbur, Polica e Shtetit i është bashkuar fushatës sensibilizuese “Don’tBeAnEasyCatch” (mos u bëj pre e lehtë), organizuar nga Qendra për Luftën kundër Krimit Kibernetik në Europol.
Përmes një video të animuar, e cila ka si synim të sensibilizojë fëmijët mbi moshën 10 vjeç që përdorin internetin, policia vjen me një mesazh drejtuar të miturve.“Kujdes!!!
Jo çdokush që ju kontakton nëpërmjet internetit është ashtu siç ju prezantohet!
Mos ndani të dhënat personale dhe fotografitë tuaja në internet, me persona të panjohur!
Nëse bëheni viktimë e një rasti të tillë, flisni me njerëzit tuaj të besuar ose drejtohuni në Policinë e Shtetit!”, thuhet në mesazhin e Policisë.
(BalkanWeb)
