Dy shqiptarë janë dënur me burg pasi në shtëpinë e tyre u zbuluan 100 bimë kanabis sativa shkruajnë mediat Britanike. Gjykatat angleze kanë dënuar me burg dy shqiptarët pasi në shtëpinë e tyre pas ankesave të fqinjëve për erën që vinte u gjet kanabis. Kontrolli në banesën e dy shqiptarëve Mentor Vata dhe Shpresim Vehapaj u krue me 24 qershor. Vata u dënua me 2 vjet burg ndërsa Vehapaj mori një dënim prej 4 muajsh. Por gjykata vendosi që dy shqiptarët të dëboheshin nga Anglia.
Avokati i dy shqiptarëve, Adam Watkins tha se dy klientët e tij kishin hyrë në mënyrë të paligjshme në Britani, në kërkim të një jete më të mirë. Ai u shpreh para gjykatës së dy shqiptarët do ta kishin të vështirë në burg pasi nuk mund të flasin anglisht.
Për Mentor Vatën, avokati tha se erdhi në Britani me kamion, duke shpresuar se do të gjente punë, me të cilën do të ndihmonte familjen në Shqipëri.
“Ka bërë punën e kopshtarit, po nuk ka mundur të fitojë para. Ajo që i sigurohej ishte vetëm një krevat dhe ushqimi, por nuk fitonte para për të ndihmuar familjen”.
Ndërsa për Shpresim Vehapaj, avokati deklaroi se ai kishte punuar në sektorin e ndërtimit në Londër dhe se ndodhej në atë banesë vetëm për disa orë.
“Ai nuk është i përfshirë në këtë ngjarje. Ai ka pranuar se do të paguhej për ndihmën në ato pak orë”, tha avokati.
Përgatiti: AlpeNews.al
