Presidenti kinez, Xi Jinping paralajmëroi rrezikun e një vale të dytë të infeksionit në vend nëse pandemia globale do të vazhdojë të përhapet, bën të ditur agjencia shtetërore e lajmeve Xinhua.
Në një takim me grupin e vendinmarrjeve të rëndësishme të partisë komuniste në Kinë, të mërkurën, Xi tha se mes presioneve në rritje në ekonominë globale, “faktorët e paqëndrueshëm dhe të pasigurt” po rriten.
Shpërthimi i koronavirusit në Kinë është nën kontroll me përjashtim të disa rasteve të transmetimit të infeksionit apo vdekjeve në javët e fundit. Të mërkurën, epiqendra e shpërthimit të infeksionit, Wuhan, përfundoi zyrtarisht izolimin.
“Ndërkohë vështirësi dhe sfida të reja janë shfaqur për rifillimin e punës në Kinë dhe zhvillimin ekonomik dhe shoqëror “, Xinhua citon të ketë thënë presidenti kinez, Xi
XI u ka bërë thirrje autoriteteve kineze të vëzhgojnë me kujdes rastet e importuara nga jashtë dhe të parandalojnë ringjalljen e shpërthimit në shtëpi, (Kinë), raportoi Xinhua, citon CNN.
Aktualisht në të gjithë botën numërohen mbi 1.5 milionë të infektuar dhe mbi 88 mijë të vdekur.
