Bilanci i të vdekurve nga pandemia e koronavirusit të ri (COVID-19) në Francë ka arritur në 6 507, pasi 588 persona kanë humbur jetën në 24 orët e fundit, ndërsa shifrës së përgjithshme i janë shtuar edhe 1 416 persona që kanë ndërruar jetë në shtëpitë e kujdesit për të moshuar nga 1 marsi, njoftoi ministri francez i Shëndetësisë, Jerome Salomon.
“Në 24 orët e fundit në Francë janë konfirmuar 5.233 raste të reja duke e çuar numrin e të infektuarve në 64 622”, theksoi ai në një konferencë shtypi.
Sipas tij, numri i pacientëve nën kujdes intensiv është rritur në 6 662, kurse i pacientëve të shëruar pas trajtimit në 14 008.
Salomon njoftoi se 1 416 persona kanë humbur jetën nga virusi në shtëpitë e kujdesit për të moshuarit në mbarë vendin nga 1 marsi.
Pas shfaqjes në Kinë dhjetorin e kaluar, COVID-19, sëmundja e shkaktuar nga koronavirusi, është përhapur në gjithë botën dhe deri më tani ka shkaktuar mbi 55 mijë të vdekur.
