Një ditë pasi kryeministri Boris Johnson dhe princ Charles rezultuan pozitiv me koronavirus, Anglia vijon normalisht aktivitetin pa i ndikuar në jeten e perditshme.
Kështu shprehet Sara Rrenja, 25 vjeçarja shqiptare që jeton në Londër.
Në një prenoncim ekskluziv për AlpeNews.al, studentja me profesion arkitekte ndonëse tani punon online nga shtëpia thotë se masat nuk janë drastike dhe se qytetarët vijojnë të jenë neglizhentë.
“Nuk ka asnjë ndryshim nga disa ditë më parë. Madje të gjithe po flasin se si Boris Johnson nuk i mori masat që i beri thirrje popullit të vetë të merrnin.
Mendoj se ka ndikuar edhe fakti që simpomat e tij janë të lehta”, shprehet ajo.
Sa i përket masave të marra, 25 vjeçarja thotë se nuk janë të rrepta por problemet hasen vetëm tek ushqimet dhe supermarketet.
“Masat janë fleksibël. Mund të dalesh në çdo orë për në supermarket apo edhe për shëtitje e vrap por duhet brenda zonës ku banon.
Fluturimet me shtetet e tjera gjithashtu janë në çdo kohë.
I vetmi moment kur hasen vështirësitë është tek blera e ushqimeve. Dy javë me parë ishte e pamundur të gjeje letër higjenike ndërsa ditet e fundit vezët, orizi e makaronat janë kthyer në mungesë.
Njerëzit po blejnë shumë, më shumë se më parë”, përfundon shqiptarja.
AlpeNews.al