Vladimiri është i shëruari më i fundit nga COVID-19, i cili ka lënë ambientet e spitalit .
Ai shprehet shumë mirënjohës ndaj stafit mjekësor për kujdesin në 20 ditët e qëndrimit të spitali I Infektivit.
Gjithashtu ka falenderuar të gjithë mjekët, infermirët dhe sanitarët që janë kujdesur për të dhe të gjithë pacientët.
“Pas 20 ditësh po largohem nga spitali i shëruar plotësisht falenderoj jashtë mase stafin mjekësor me në krye shefe Najadën, mjekët për kujdesin madhështor, infermierët, sanitarët që vinin na pastronin dhomat, jam shumë I kënaqur për kujdesinqë ka treguar stafi I infektivit, ma kanë bërë shumë të lehtë sepse ka qenë një luftë e fortë fizike dhe psikologjike, pa këta nuk do t’ia kisha dalë kaq mirë, faleminderit”, ka thënë Vladimiri I shëruari nga COVID-19.
Najada Como ka publikuar videon e falenderimit të tij me fjalët: Jam shumë e lumtur për ty. Kaluam ditë të vështira shumë…ti dhe ne…pra gjithë stafi mjekësor…por më në fund buzëqeshja jote flet shumë. Ia dole!
Kujtojmë që deri tani janë 197 persona të prekur nga koronavirusi, 10 viktima dhe 33 të shëruar
