Ndërkohë që Koreja e Veriut vazhdon të rrisë kërcënimin për sulm me armë bërthamore, Koreja e Jugut vijon fushatën për ndjekjen e rrugës së paqes. Në kuadër të kësaj, në Seul u zhvillua një maratonë në sajë të “Fushatës për Ligjin e Paqes” ku morën pjesë 3500 vetë.
Kjo maratonë u organizua nga organizata jo qeveritare për Paqe dhe Kulturë Hyjnore HWPL në bashkëpunim me komunitetet lokale. Qëllimi i HWPL-së është vendosja e një ligji ndërkombëtar të përbashkët për paqen në funksion të ndalimit të luftërave në botë. Ky event shërbeu edhe si pikëtakimi për të gjithë ata qytetarë, që kanë dëshirë të japin para për komunitet e tyre lokale. “Puna e paqes nuk i jepet një individi apo një kompanie të vetme, por i jepet kujtdo në botë. HWPL po përpiqet të vendosë urë bashkëpunimi me Organizatën e Kombeve të Bashkuara me qëllim ndalimin e luftërave dhe vendosjen e paqes në botë në një mënyrë që kushdo të marrë pjesë me zemër në këtë iniciativë për paqe”-është shprehur kreu i HWPL-së, Man Hee Lee.
Pjesëmarrësit në maratonën e paqes, hodhën firmën e tyre për Deklarimin e Paqes dhe Ndalimin e Luftës, e cila u hartua nga HWPL me 10 nene, 38 klauzola për të mbrojtur bashkëpunimin ndërkombëtar për ndërtimin e paqes nëpërmjet zgjidhjes paqësore të mosmarrëveshjeve, respektimit të së drejtës ndërkombëtare në parandalimin e konflikteve dhe përhapjen e një kulture për paqe. Fushata për Ligjin e Paqes në bashkëpunim me komunitete kombëtare dhe ndërkombëtare në të gjithë botën, ka mundur të mbledhë 700 mijë firma në mbështetje që Deklarimi i Paqes dhe Ndalimi i Luftës (DPCW) t’i prezantohet organizatave ndërkombëtare dhe qeverive kudo në botë.
“Nëse njerëzit firmosin ashtu sikurse ne, Deklarimi i Paqes dhe Ndalimi i Luftës do të zbatohet. Po marrë pjesë me dëshirën time të plotë në fushatën për paqe”-është shprehur një prej pjesëmarrësve në maratonë. Ky event do të kontribuojë shumë në zhvillimin e komunitetit, duke marrë parasysh edhe donacionet e pjesëmarrësve. Rreth 7 e 500 dollarë u dhuruan nga anëtarët e HWPL-së në këtë maratonë, të cilat do të shërbejnë si një fond lokal zhvillimi.
