Një firmë private pijesh ka rënë pre e grabitjes ditën e sotme në fshatin Dvoran të Korçës.
Persona të armatosur e të maskuar kanë hyrë në ambientet e firmës rreth orës 19:15 dhe, sipas policisë, fillimisht ata kanë lidhur pronarin dhe bashkëshorten e tij, e më pas kanë vjedhur 50 mijë lek të reja, 70 euro dhe 150 dollarë.
Pas grabitjes ata janë larguar me shpejtësi në këmbë, ndërsa policia ka shkuar në vendngjarje dhe po punon për identifikimin dhe kapjen e autorëve.
Njoftimi i plotë i policisë
Më datë 04.12.2017, rreth orës 19:15, jemi njoftuar se në fshatin Dvoran, në ambjentet e një firme private pijesh kanë shkuar persona të armatosur dhe të maskuar.
Nga të dhënat e para dyshohet se këta persona pasi kanë lidhur pronarin dhe bashkëshorten e tij, kanë vjedhur një sasi lekësh prej 50 mijë lek të reja, 70 Euro dhe 150 Dollarë. Më pas këta persona janë larguar me shpejtësi në këmbë.
Në vendngjarje, ndodhen forca të shumta policie. Janë ngritur pika kontrolli për të bërë të mundur identifikimin e kapjen e autorëve.
Nga ana e Policisë po punohet për sqarimin e rrethanave të ngjarjes, si edhe dokumentimin e plotë të saj.
/ shqiptarja
