Katër shtetas janë arrestuar nga policia e Korçës, për vepra të ndryshme penale.
Një 32-vjeçar me iniciale E.Z., është vënë në prangat e policisë pasi dhunonte fizikisht e psikologjikisht në mënyrë sistematike babain e tij 63 vjeç.
Në Maliq, një 33-vjeçar është arrestuar pasi në lokalin e tij në Poçestë, gjatë kontrollit të ushtruar nga policia, i është gjetur një celular me anë të të cilit vendoste baste sportive. Telefoni i llojit ‘Samsung’ u sekuestrua në cilësinë e provës materiale.
U arrestua shtetasi I. H., 39 vjeç, banues në Elbasan, pasi në fshatin Zvezdë, Maliq, duke drejtuar mjetin tip “Benz” ka aksidentuar këmbësoren R. Xh., 39 vjeçe, banuese në Zvezdë, e cila u transportua për mjekim më të specializuar në Spitalin e Traumës Tiranë.
Y. P., 59 vjeç, banues në fshatin Koshnicë, Devoll, është arrestuar pasi në aksin rrugor Bilisht-Miras, u kap duke drejtuar në gjendje të dehur, mjetin tip “Fiat”, pa targa.
Materialet në ngarkim të tyre i kaluan Prokurorisë të Rrethit Gjyqësor Korçë për veprat penale.
