KORÇA E MBULOHET NGA BORA/ Rruga për në Dardhë kalohet me zinxhirë (FOTO+VIDEO)

20 February, 2020 Delo.autor Aktualitet, Destinacione, Ne sytë e të huajve

Edhe qyteti i Korçës dhe rrethinat sot në mëngjes janë zbardhur nga dëbora. Në zonat malore trashësia e dëborës ka shkuar deri në 15 cm duke bërë që në segmentin rrugor të Dardhës, makinat të përdorin zinxhirë nga kilometri 6 deri ne 14, ndërkohë që është bërë kriposja. Rekomandohet për drejtuesit e mjeteve të tregojnë kujdes në akset kryesore për shkak të prezencës së dëborës dhe lageshtirës.

Dëbora mbulon zonat malore në Kukës

Zonat malore në Kukës janë mbuluar nga dëbora, trashësia e së cilës ka arritur deri në 7 cm, ndërsa në zonat e ulëta ka reshje shiu. Nga dëbora që ka rënë nuk raportohet për probleme, ndërsa drejtuesit e makinave duhet të bëjnë kujdes nga lagështia në rrugë dhe prezenca e dëborës në rrugët malore.https://youtu.be/TonMYreeZuE