Kreu i PD Lulzim Basha ka mirëpritur donacionet e dhuruar nga Konferenca e Donatorëve sot në Bruksel. Basha shprehet se puna duhet të nisë menjëherë dhe fondet të përdoren me transparencë.
Ai shprehet se detyra e PD është që fondet të përdoren vërtet për njerëzit që janë në nevojë.
Ditën e sotme, qeveria shqiptare arriti të sigurojë 1.15 miliardë dollarë donacione nga mbi 100 vende në Bruksel.
STATUSI I LULZIM BASHËS
Të gjitha donacionet ndërkombëtare për popullin shqiptar për dëmet e pas tërmetit të 26 nëntorit janë të bekuara dhe të mirëpritura.
Falenderime dhe mirënjohje për çdo vend, çdo organizatë dhe çdo institucion ndërkombëtar që i gjendet pranë qytetarëve shqiptarë në këtë moment të vështirë.
Detyra jonë është të bëjmë gjithçka që këto kontribute të shërbejnë vërtet për ndihmë ndaj njerëzve në nevojë.
Është e rëndësishme që të nisë menjëherë puna dhe fondet të përdoren me përgjegjshmëri dhe transparencë për të ndalur keqpërdorimin dhe abuzimin me to.
