Lajmi i ditës është padyshim ai që vjen nga Konferenca e Donatorëve që ka kaluar të gjitha pritshmëritë duke arritur në një vlerë prej 1.15 miliardë euro (grante, projekte dhe hua) të grumbulluara për rindërtimin e Shqipërisë pas tërmetit të 26 nëntorit që ka pas 51 viktima, qindra të plagosur dhe mijëra të pastrehë.
Reagimet ishin të menjëhershme nga politika por edhe nga shoqëria civile. Erion Kristo shkruan se një meritë të madhe per shumën e mbledhur e ka edhe kryeministri Rama.
Statusi i plotë
“Konferenca e donatorëve u mbyll. Shpresë e madhe për banorët e zonave të prekura nga tërmeti. Mblidhen 1.15 miliard euro grante dhe hua. Meritë të madhe ka për këtë Kryeministri Rama. Duke uruar ata që punuan dhe duke falënderuar ata që ndihmuan, i bashkohem shqetësimit të SHBA-ve për transparencë. Të ndizen motorët tani dhe të merremi me banorët që janë në çadra. T’i lëmë mënjanë hidhësitë dhe të kërkojmë nga qeveria të përmbahet në shpenzime.”
ALPEnews.al
