Është duke u zhvilluar numërimi i votave për Këshillat Bashkiakë në qarkun Fier. Në bastionin e socialistëve, Bashkinë Fier, PS ka marrë deri në rezultatet paraprake ku janë numëruar 11 nga 224 kuti votimi 57.76 % duke siguruar 32 mandate. BF ka marrë 13.83 % duke siguruar vetëm 7 mandate.
Socialistët kanë korrur fitore në Lushnjë edhe pse në 49 kuti votimi të numëruara nga 156 në total duke fituar 49.88 % dhe duke siguruar 23 mandate në Këshillat Bashkiakë.
Socialistët pasohen nga BF me 15.30 % duke siguruar 7 mandate.
Situata paraqitet pothuajse e njëjtë në Bashkinë Roskovec ku janë numëruar 8 nga 39 kuti votimi. Socialistët janë në avantazh me 48.04 % dhe 12 mandate ndërsa BF me 30.93 % dhe 7 mandate.
Në bashkitë Patos, Divjakë dhe Mallakastër nuk ka nisur ende numërimi për Këshillat Bashkiakë.
