Arrestimi i Efthymiou Efthymious dhe bemat e tij, i kane kaluar tashme edhe kufijte e Shqiperise dhe te mediave te vendit tone.
Jane mediat greke ato qe kane filluar tashme nje fushate, se kush e kush te hedhi me shume drite ne detajet e jetes plot dritehije te ish policit te forcave speciale te Greqise, qe iku shume vite me pare nga nje fshat i vogel ne Greqine Verilindore, per te plotesuar endrren e tij ne kryeqytetin helen, per tu bere nje luftetar kunder te keqes.
Por metamorfoza qe pesoi vit pas viti jeta e tij, e kane shnderruar tashme, ate vete ne nje prej personave me te shenjestruar nga policia dhe ekspertet e antikrimit, me te cilet per gati 20 vjet te jetes se tij, ishte krah per krah.
Derisa u shnderrua ne nje njeri qe jeta prej kohesh i shkon mes qelive, gjyqeve, akuzave dhe kerkimeve policore.
“Kathimerini: eshte nje prej gazetave me me ze ne Greqi per seriozitetin e saj, qe ka hedhur drite mbi detajet e erreta te jetes se vrasesit me pagese, qe erdhi prej andej, per te tronditur Tiranen me te shtenat e armes se tij te henen e kaluar, kur la te vrare, Devi Kasmin.
Vrasja e 40-vjeçarit Devi Kasmi duket se është urdhëruar nga burgjet greke, siç njofton e përditshmja prestigjioze greke, “Kathimerini”, e cila iu referohet zyrtarëve të lartë të policisë greke që po ndjekin çështjen me shumë interes.
Ndërkohë, “Kathimerini” jep edhe detaje të reja për dosjen e pasur penale të ish-policit grek, Efthymiou Efthymious, që akuzohet për vrasjen e Kasmit.
Me origjinë nga një fshat pranë Artës, në Greqinë Jugperëndimore, 41 vjeçari ka hyrë në forcat e policisë greke në vitin 2004 dhe shërbente në rajonin e policisë në zonën “Syntagma”, në qendër të Athinës. Deri në vitin 2011, kur është pushuar nga detyra, është çuar tri herë në bordet disiplinore të policisë greke për shkelje të shumta.
Për herë të parë, Efthymiou Efthymious është arrestuar nga zyrtarët e Drejtorisë së Punëve të Brendshme në qershor të vitit 2008, me akuzën për trafik droge, trafikim emigrantësh të paligjshëm dhe falsifikim.
Një vit më vonë, ai u arrestua përsëri për posedim dhe trafik të lëndëve narkotike në Doganën e Kapshticës, ndërsa në mars të vitit 2012 u arrestua në Aeroportin “Eleftherios Venizelos” gjatë ekzekutimit të një urdhërarresti të autoriteteve gjermane, me të njëjtën akuzë, për të cilën thuhet se ka kryer një dënim disamujor në Gjermani.
Në vitin 2016 është arrestuar në qytetin e Artës me akuzën e përfshirjes në një rrjet të madh kriminal me grekë dhe shqiptarë, e ka trafikuar kryesisht kokainë. Megjithëse është dënuar dhe ka kryer përsëri burg, ai është liruar pasi Gjykata e Janinës e ka dënuar vetëm me 4 vite heqje lirie me kusht.
