Prej muajsh tashmë, opozita po kërkon largimin e kryeministrit Rama dhe formimin e tranzitore, ndërsa nuk kanë munguar as emrat e aluduar për të qenë në krye të saj.
Një prej emrave të aluduar është edhe emri i Kastriot Islamit, i cili, i ftuar në emisionin “Top Talk”, i pyetur rreth kësaj çështje, theksoi se një gjë e tillë nuk përputhet me qasjen e tij.
“Nuk mendoj se përputhet me qasjen time. Nuk mendoj se është momenti. Jemi shumë larg një mjedisi që do sillte zgjidhjen e një krize. Qasja për zgjidhjen e krizës, për të shkuar te qeveria teknike, duke hedhur apo testuar emra për kryeministër, nuk mendoj se është rruga e duhur. Nuk mendoj se nxjerrja e emrave është efikase, apo serioze”, u shpreh ai.
