Kapet duke kaluar kufirin e gjelbër, në drejtim të Shqipërisë në mënyrë të paligjshme, si edhe duke trafikuar armë e municion të cilat i posedonte pa leje.
Shërbimet e Patrullës së Policisë Kufitare Kapshticë, bënë kapjen dhe arrestimin në flagrancë të shtetasit Ilir Hoxha, 45 vjeç, banues në fshatin Gegë-Kuçovë.
Më datë 30.10.2017, shtetasi i mësipërm është kapur nga kontrollet e shërbimeve të Policisë Kufitare Kapshticë, duke hyrë në territorin shqiptar, nga kufiri i gjelbër në mënyrë të paligjshme. Gjatë kontrollit personal, këtij të fundit i’u gjet e sekuestrua në cilësinë e proves materiale 1 çifte dhe 2 fishekë çifte pa dokumentacionin përkatës.
Veprimet proceduriale u kryhen nga specialistët e Seksionit për Trafikun e paligjshëm në Drejtorinë Vendore të Policisë Korçë.
Materialet i kaluan Prokurorisë të Rrethit Gjyqësor Korçë për veprat penale : “Trafikimi i armëve dhe i municionit”, “Prodhimi dhe mbajtja pa leje e armëve të gjuetisë dhe sportive”, “Kalimi i paligjshëm i kufirit shtetëror” parashikuar nga nenet 278/a/1, 280, 297 të Kodit Penal.
/AlpeNews.al/
