Sëmundja e rëndë është temë diskutimi në çdo ambient, për shkak të asaj që shumëkush e quan një epidemi.
Por nuk është më ndryshe as jashtë Shqipërisë.
Sëmundja vazhdon të marrë shumë jetë njerëzish.
Megjithatë BBC në kryelajmin e saj raporton se shkencëtarët kanë ndërmarrë një hap të rëndësishëm drejt një prej arritjeve më të mëdha në mjekësi- një testi universal gjaku për kancerin.
Një ekip i universitetit ‘John Hopkins’ ka provuar një metodë që arrin të zbulojë tetë nga llojet më të përhapura të kancerit.
Synimi i tyre është që një test i përvitshëm të evidentojë sa më shpejt kancerin dhe të shpëtojë jetë.
Ekspertët britanikë thanë se kjo është një arritje jashtëzakonisht fantastike.
Megjithatë duhen bërë akoma punë për të vlerësuar efektivitetin e këtij testi.
Tumorët lëshojnë gjurmë të vogla të ADN-së së ndryshuar dhe proteinave në gjak.
Testimi quhet CancerSEEK dhe kostoja është më pak se 500 dollarë për pacient, pak a shumë sa çmimi i një kolonoskopie.
