Dosja për hetimin e privatizimit të OSHEE nga CEZ, do të rihetohet nga prokurori Ardian Braho.
Atij i ka kaluar kjo dosje, pas hedhjes së shortit.
Hetimi për privatizimin e CEZ është ndjekur nga Alma Brati, por ajo vendosi që në mënyrë skandaloze, ta mbyllte dosje.
Ne momentin qe gjykata e Tiranes e ktheu per rihetime kete ceshtje, mediat zbuluan se Alma Brati konsiderohet si nje vegel e ish Kryeprokurorit Adriatik Llalla te cilen e perdorte sa here qe kishte çeshtje politike. Gjate kohes qe Brati ka qene e emeruar ne nje prokurori tjeter, ajo komandohej per çeshtje te ndryshe prane Prokurorise se Pergjithshme ne Tirane. Me sa duket ka qene kjo aresyeja qe per ti shpetuar ndoshta punes ne rrethin e larget ne verilindje te Shqiperise, pranonte te ishte e prefereruara e Adriatik Llalles dhe e drejtorave te tij per çeshtje si kjo e aferes CEZ. Mediat thane gjithashtu ate kohe se Alma Brati as qe ka patur kohe per ta studiuar çështjen, e jo me te dilte ne konkluzione per ta mbyllur ate. Kjo ishte edhe aresyeja qe Gjykata e Tiranes e riktheu per rihetim dosjen e Alma Bratin te hetuar ne menyre skandaloze.
Alma Brati mesohet se eshte ne listen e prokuroreve qe po kontrollohen nga vetingu dhe burimet prane ketij institucioni i kane thene mediave se kane zbuluar shume pasaktesi te cilat mund te bejne shkak qe ndaj saj te filloje ndjekja penale per fshehje te pasurise. Megjithate, mbetet te shihen konkluzionet zyrtare. Por fakt eshte qe ekspozimi i saj, nuk le shume vend per dyshime se ajo mund te jete nga viktimat e para te reformes ne drejtesi.
Vendimi i Bratit u rrëzua nga Gjykata e Tiranës, e cila urdhëroi të kryhen hetimet dhe të merren në pyetje personat e kallëzuar nga ish-juristi i OSHEE, Romeo Karaj, dhe nga komisioni parlamentar për hetimin e CEZ.
Gjykata e Tiranës pranoi kërkesën e Kuvendit dhe të ish-juristit të OSHEE, Romeo Karaj, për të mos mbyllur hetimet për dosjen e privatizimit të OSSH te kompania çeke, CEZ.
Tashmë hetimet do vijojnë sipas raportit të dorëzuar nga Komisioni Hetimor.
Dosja “CEZ” konsiderohet si një ndër dosjet më të nxehta hetimore, ku janë përfshirë politikanët më të rëndësishëm në vend dhe fëmijët e tyre.
