Vrasja e miliarderit kanadez dhe bashkëshortit të tij po hetohet si ‘e dyshimte’ nga policia.
Kështu ka bërë të ditur komandanti David Hopkinson për mediat mbrëmjen e djeshme. Hetuesit janë marrë me çështjen dhe pritet që ditën e sotme të ketë një rezultat nga ekspertiza për të parë se nga cfarë kanë vdekur dy personat.
Pas qarkullimit të disa zërave në media se çifti miliarder mund të jetë ekzekutuar nga kushërinjtë për shkak të një konflikti të hershëm për pronat ka reaguar edhe familja e të ndjerëve.
“Prindërit tanë kanë dhënë një kontribut për jetën dhe përkushtimin ndaj familjes dhe komunitetit, gjë që është krejtësisht në kundërshtim me thashethemet që për fat të keq po qarkullojnë në media për vrasjen e tyre. Ne i bëjmë thirrje autoritetetve të bëjnë një hetim intensiv dhe objektiv”, shkruhet në reagimin e familjarëve të biznesmenit.
Njëra nga teoritë konspirative që qarkullon në mediat e huaja është një ekzekutim i mundshëm nga kushërinjtë e miliarderit Sherman, për shkak të disa konflikteve për pronën në të cilën ai ngriti kompaninë farmaceotike e cila e bëri atë të pasur.
Barry Sherman, 75 vjeç, ishte një donator i shquar i Partisë Liberale në pushtet të Kanadasë, me një pasuri që Forbes vlerësoi në 3.2 miliardë dollarë. Grupi kanadez i avokimit “Democracy Watch” kritikoi Sherman vitin e kaluar për përfshirje në një fond grumbullues për Liberalët ndërsa u regjistrua si një lobist i qeverisë.
Policia kanadeze po heton vdekjen misterioze të miliarderëve farmaceutikë Barry Sherman, themeluesin e Apotex Inc dhe bashkëshortes së tij Honey, trupat e të cilëve u gjetën në rezidencën e tyre në Toronto të premten.
Autoritetet do të kryejnë ekzaminime post-mortum ditën e sotme dhe po trajtojnë vdekjet si të dyshimta, tha një zëdhënës i Policisë së Torontos.
Asnjë i dyshuar nuk ishte identifikuar, tha policia, por kanë nxjerrë disa detaje rreth rrethanave të vdekjeve që kanë tronditur njerëzit në qarqet politike, afariste dhe filantropike të Kanadasë.
Kryeministri kanadez Justin Trudeau i shprehu ngushëllimet e tij “familjes dhe miqve të tyre, dhe të gjithëve të prekur nga vizioni dhe fryma e tyre”.
Sherman ishte përfshirë në një seri padish, përfshirë një betejë dhjetëvjeçare me kushërinjtë që kërkonin kompensim për akuzat që i kishte prerë nga kompania që do ta bënte atë të pasur.
Policia zbuloi rreth vdekjeve të Shermans në mesditë të premten duke iu përgjigjur një thirrje emergjente./ panorama
