“Reja”, e cila është projektuar nga një arkitekt japonez ndodhet në lulishten para Galerisë Kombëtare të Arteve. Më së shumti kjo vepër është përdorur si hapësirë për të zhvilluar evente të shumta kulturore.
Po kështu organizata dhe institucione e kanë parë përherë si një mundësi të mirë ku mund të mbahen takime të ndryshme.
Kur vjen puna te evenimentet muzikore, “Reja” kryesisht i ka qëndruar besnike festimeve të vogla nën tingujt e jazz- it apo atyre latine.
Atë për të cilën e kemi pyetur përherë veten ka qenë se përse “Reja” nuk eksperimenton me muzikën elektro që të rinjtë ta shohin si një mini- club apo një alla TomorrowLand –i.
Anabel mësoi se organizatorët e eventeve për të rinj janë përpjekur disa herë të bëjnë një party me elektronikë dhe alkool, kërkesë kjo që është refuzuar me argumentin se një party i çmendur mund të shkaktonte dëme materiale të veprës.
Është kërkuar po ashtu të konsumohet duhan brenda, gjë që është ndaluar kategorikisht. Për të shmangur rrëmujën, situatën që mund të dalë jashtë kontrollit “Reja” do të vazhdojë të qendrojë brenda habitatit të saj.
