Ish-kryeministri Sali Berisha ka treguar arsyet pse Edi Rama e ka frikë atë. Në një komunikim me gazetarët, Berisha u shpreh se kryeministri aktual nuk bën dot pazare të pista me të dhe nuk mund të tërheqë zvarrë popullin opozitar.
Sipas Berishës, dy janë arsyet që e shtynë Ramën të mbajë atë kongres, e para interesat e lidhura me mafien e drogës dhe e dyta frika dhe tmerri që ai ka, pasi e ka kuptuar se loja me opozitën fiktive ka marrë fund.
“Çfarë e shtyu Edi Ramën të organizojë një kongres të tillë. Edi Ramën një kongres të tillë e shtyu jo interesat e qytetarëve, jo problemet e tyre të shkollimit, të infrastrukturës, jo asnjë prej tyre. E shtynë interesat e klaneve mafioze, të drogës.
Çfarë e shtyu tjetër Edi Ramën të ecë në këtë drejtim. Frika dhe tmerri se mos skapi i opozitës mund të mendonte që ti afrohej atij apo rrethit të tij më të ngushtë. Mund të imagjinonte të digjte ne flakët e inceneratorëve organizatën kriminal të kësaj afere. Këto ishin dy motiviet që e shtynë atë të ndërmarrë një show të tillë, të pazakonte, unik në Evropën e sotme. E shty nga ana tjetër tmerri që ai ka nga opozita e vërtetë. Ai e ka kuptuar se loja me opozitën fiktive apo me peng opozitën ka marrë fund. Ai e di që shqiptarët çdo ditë e më tepër po vendosin që ti japin atij përgjigjen e merituar. E di se në garat e ardhshme, ai, shqiptarët do ta arkivojnë atë në ndërtesën e harresës së historisë.
Po çfarë ka ai me Sali Berishën?
Ai ka një problem madhor. Me Sali Berishën nuk bën dot pazare të pista. Me Sali Berishën nuk mundet dot të tërheqë zvarrë opozitën. Ky është problemi i tij. Nuk them se nuk i kujtohet edhe tre disfatat pas vitit 2005 deri në 2011. Edhe ato memorie e hidhur janë, por mbi të gjitha merr fund koha kur ai tërhiqte popullin opozitar për hunde nëpërmjet udhëheqjes së tij”, tha Berisha.
