Blayze Williams, e cila është cilësuar si kamionistja më seksi në Australi, fiton 63 mijë dollarë në vit që kur është bërë pjesë e faqes për të rritur, “OnlyFans”.
29-vjeçarja nga Adelaide, ka marrë tashmë vëmendjen e të gjithëve me fotot e saj teksa është e ulur pas timonit të disa prej kamionëve më të mëdhenj të globit.
Por jo vetëm kaq, pasi që prej vitit 2020, ajo pjesë e “OnlyFans”. 29-vjeçarja duket se është revoltuar nga komentet negative që i kanë bërë për trupin, e për këtë arsye ka vendosur që t’u kundërpërgjigjet.
“Para se të filloja OnlyFans, ndihesha sikur më admironin shumë më tepër, por tani po marr shumë komente urrejtjeje dhe turpëruese nga njerëzit që supozojnë se jam prostitutë. Unë shes fotografi dhe video për njerëzit që janë të interesuar t’i shohin”, tha Blayze Williams.
Kjo e fundit ka shtuar se “nuk jam duke fjetur me dikë apo duke kryer akte seksuale, por edhe nëse e bëj, pse duhet të ketë rëndësi?”.
“Unë jam një shofere kamioni e shkëlqyer dhe jam e mirë në punën time, prandaj e kam bërë atë për një dekadë. Por kam marrë komente të tilla negative, shumicën e kohës nga femra të tjera, të cilat më thonë se nuk duhet të jem shofere kamioni dhe se nuk mund të jesh seksi dhe të ngasësh kamionë. Madje ka pasur njerëz që më thonë se nuk duan që unë t’i përfaqësoj ata. Por kjo nuk do të ndodhë kurrë”, është shprehur ajo.
Blayze Williams është shprehur më pas se është pjesë e aplikacionit për të rritur, për të marrë të ardhura dhe shprehu keqardhjen që pjesa më e madhe e komenteve negative i merr nga vajzat.
“Marrja e të ardhurave të OnlyFans do të thotë që unë jam në gjendje t’i shijoj ato dhe më jep më shumë liri për të marrë frymë. Unë marr shumë komente negative për shkak të pamjes sime. Sinqerisht, shumica e tyre vjen nga gratë, gjë që është shumë zhgënjyese. Gratë duhet të mbështesin njëra-tjetrën . Ne të gjithë meritojmë të respektohemi për atë që jemi”, tha Blayze Williams.
“Daily Mail” shkruan se 29-vjeçarja u bë e famshme në vitin 2018, pasi u quajt si kamionistja më e seksi. Por për shkak të komplikimeve të vazhdueshme si thyerja e këmbës në vitin 2018, ajo u detyrua të ndalonte drejtimin e kamionëve në shkurt 2020 për t’u fokusuar në rikuperimin e saj.
Pa të ardhura të qëndrueshme, Blayze tha se nuk e kishte idenë se si do të mbijetonte – derisa shoqja e saj e famshme, Heidi Lavon, i sugjeroi asaj të provonte OnlyFans pasi pati sukses të madh me faqen. Që atëherë ajo ka fituar nga 4,000 deri në 6,300 dollarë në muaj duke u shitur fansave të saj fotografi seksi.
“Unë ngisja kamionë 10-13 orë në ditë, por më pas theva këmbën dhe duhej të pushoja për 1 vit e gjysmë. Kam komplikime të vazhdueshme në këmbë. Më duhej të ndaloja së punuari dhe po arrija në pikën financiare ku nuk e dija se çfarë do të ndodhte. Më pas po flisja me shoqen time Heidi Lavon, e cila është një personalitet i famshëm në internet tani, dhe ajo më sugjeroi ta bëja”, ka thënë Blayze Williams, e cila dikur fitonte 34,000 dollarë në vit nga puna si shofere, shkruan “Daily Mail”.
