Rastet e COVID-19 në Shqipëri po pësojnë një rritje të konsiderueshmë vecanërisht gjatë muajit të fundit, teksa sot u shënuan plot 694 infektime të reja.
Megjithatë, ajo për të cilën duket se bien dakord të gjithë të infektuarit(të paktën ato që e kane bërë edhe publike) është këshilla për tiu drejtuar mjekut duke shmangur në mënyrë kategorike çdo këshillë tjetëe që ndonëse mund të jetë me qëllim të mirë, nuk është profesionale.
Sot, edhe ministrja e shëndetësisë Manastirliu bëri apel për drejtimin e çdo rasti tek mjeku I familjes dhe jo recetave që qarkullojnë rëndomtë në “Whatsapp”.
Nuk vlejnë recetat e Whatsapp, nuk vlen të shkosh tek mjekët që nuk e njohin problematikën. Ne na duhet të punojmë më shumë me qytetarët për të patuar besimin tek mjeku i familjes”, tha Manastirliu.
Më herët, edhe persona të tjerë publik kanë të njëjtin mesazh për qytetarët. Nga ministrant e deputetët, tek aktorë e gazetarë të njohur, eksperianca e tyre duket se eshte perqendruar vetme tek kujdesi nga profesionistet e fushes. AlpeNews.al ju sjell disa prej tyre.
Greg Rama:“Një falenderim mjekëve që u kujdesën për mua dhe mbi të gjitha respekt për mjekët dhe infermieret e Senatoriumit. Ndjej detyrimin t’ua shpreh publikisht në kushtet kur realisht po punojnë nën një stres të paparë dhe çfarë nuk po detyrohen të dëgjojnë!
Për fat të mirë pas analizave që më morën në spital dhe trajtimit që mora në shtëpi ndjehem shumë më mirë fizikisht dhe mendërisht.
U desh kjo ndodhi që të më rritej akoma më tepër respekti dhe besimi tek ata të cilët ndodhen në çdo orë e minutë në vijën e parë të zjarrit, në këtë luftë!
Uroj të shkuara dhe shërim sa më të shpejtë gjithë atyre që po përballen me këtë virus të pabesë!”
Damian Gjiknuri: “Të nderuar miq! Pas testimit për COVID 19, rezultova pozitiv, me simptoma të lehta. Në përputhje me protokollin shëndetësor kam filluar trajtimin mjekësor në kushtet e karantinimit. Gjej rastin të ju bëj thirrje të respektoni maksimalisht këshillat e autoriteteve shëndetësore, si mbajtja e maskës, distanca sociale dhe larja e duarve.”
Blerina Gjylameti: “Unë kam patur një trajtim me medikamente me antibiotikë, ishin shumë të lehta. Këto ishin në bazë të një konsulte që u bë nga mjeku pleumolog dhe mjekja gjinekologe për t’i paraprirë dhe situatave të tjera që kanë të bëjnë edhe me situatën time që ishte pak më specifike se rastete e tjera që kishte të bënte me shtatzëninë.”
Marjana Kondi: “Te falenderoj Dr Pipero per keshillen e rendsishme qe me dhe! Mos shiko dhe mos degjo se cthon njerzit …. vetem mjekun specialist! U lodha duke degjuar mendimtaret idjot, futur dhe une brenda dhe per pak sa i besoja plotsisht! Jooo!!! Degjoni vetem mjekun dhe jo frike por perkushtim ndaj vetes!”, shkruan Kondi.
Iva Tiço: “Mos lejoni asnjë njeri t’ju keshilloje, edhe pse e kanë për mirë. Lajmet dhe shkrimet për Covid po u shmangën shpëtojne shumë shqetësime psikologjke: librat dhe filmat janë ilaç.”