Nënkryetari i LSI-së, Petrit Vasili, tha se kryeministri Edi Rama duhet të ndiqet “menjëherë penalisht”, pas publikimit në një status në Twitter, të emrave të dy vëllezërve, Robert dhe Edmond Budina, si të prekur me COVID-19.
Duket se Vasili u kujtua më në fund që është vetë mjek, teksa citon edhe parimet. Ai thotë se ruajtja e privatësisë së pacientit dhe mospublikimi i sëmundjes së çdo lloji, është ligj absolut.
“Edi Rama te ndiqet menjehere penalisht dhe te denohet per krimin e publikimit te emrave te vellezerve Budina si te prekur me COVID-19! Ruajtja e privatesise se pacientit dhe mospublikimi i semundjes se cdo lloji eshte ligj absolut.
Edi Rama ka shkelur e dhunuar haptas ligjin. Ndjekja penale dhe denimi i Edi Rames eshte gjeja me paket per te shto ketu edhe shperdorimin flagrant te detyres permes keqperdorimit te te dhenave shteterore.
Prokurori zgjohu se po mbulohesh me turp! Qytetaret jane te gjithe te barabarte perpara ligjit”, shkruan në facebook Vasili.
Ndërkohë, më herët, në një deklaratë për mediat, Vasili u ndal tek 15 kushtet që Parlamenti Europian miratoi për Shqipërinë, ndërsa thotë se ato u vendosën “për shkak të Edi Ramës”.
