Presidenti turk, Rexhep Taip Erdogan u takua të martën me dy presidentët e Bashkimit Evropian, por një incident në takim duket se shkaktoi pak trazira diplomatike
Një video e shpërndarë në mediat e huaja tregon momentin e mbledhjes mes palëve, por teksa Erdogan dhe Presidenti i Këshillit Evropian, Charles Michel ulen në karrige, Presidentja e Komisionit Evropian Ursula von der Leyen ngelet në këmbë.
Von der Leyen qëndroi duke i vështruar dy burrat, bëri gjest me dorën e saj të djathtë dhe u duk se tha “um” ose “ehm”.
Në fund ajo u ul në një divan ngjyrë bezhë, rreth 4 metra larg. Von der Leyen ishte përballë Ministrit të Jashtëm turk Mevlut Çavusoglu, i cili zë një gradë me status më të ulët në protokollin tipik diplomatik.