Gjykata e Tiranës ka dhënë vendimin duket e dënuar me 5 vite burg Vladimir Gjutën, personazhin e njohur për botën e krimit. Ky është vendimi më i fundit i dhënë nga gjykata ndaj Gjutës, i cili akuzohet për mbajtje pa leje të armëve luftarake dhe për mbajtje të armëve të ftohta.
Gjuta u kap punonjësit e Gardës pranë selisë së PS-së në shkurt të 2020, kur brenda saj kryeministri Edi Rama po zhvillonte mbledhjen e kryesisë së PS-së.
Ngjarja ndodhi pikërisht më 10 shkurt të vitit të kaluar, Gjuta ndodhej pranë selisë së Partisë Socialiste, ndërkohë që mësohet se është ndaluar nga forcat e gardës që ndodheshin pranë selisë rozë, ku po zhvillohej mbledhja e Kryesisë së PS-së.
Gjuta ka tentuar të futet me forcë në selinë rozë, në momentin që brenda ka qenë kryeministri Edi Rama, duke zhvilluar mbledhjen e Kryesisë së PS.
Qytetarët që kanë parë ngjarjen, deklaruan asaj kohe për Neës24 se Gjuta ka qenë i armatosur, në momentin që ka tentuar të hyjë në selinë e PS, por ky informacion nuk ishte i konfirmuar ende nga policia
Vladimir Gjuta është një emër i njohur i botës së krimit, pasi ai akuzohet se disa vite me parë është përfshirë në një konflikt me ish-ministrin e Brendshëm Saimir Tahiri dhe është ndër autoret e vendosje se sasisë se tritolit ndaj farmacisë se babait të ish-ministrit.
Ai u arrestua 5 ditë pasi policia e kishte liruar nga burgu. Gjykata e liroi një prej të akuzuarve për vendosjen e një sasie eksplozivi në farmacinë e të atit të ish-ministrit të Brendshëm, Saimir Tahiri. Ai akuzohej së fundmi se kishte dhunuar kushëririn e tij me çekiç. Mësohet se kushëriri që ishte dhunuar nga Gjuta, u tërhoq nga ankimi dhe prokuroria kërkoi revokimin e masës, ndërsa gjykata vendosi që ta lërë të lirë.
