Kryeministri Rama ka reaguar në lidhje me lajmin e bërë publik nga agjensia Reuters se Shtetet e Bashkuara të Amerikës janë në bisedime me Shqipërinë për strehimin e përkthyesve afganë.
Rama shprehet se një kërkesë e tillë për strehimin e afganëve nuk ka ardhur ende nga ShBA-të, por thekson se Shqipëria është e gatshme të strehojë pjesën e saj në raport dhe me aleatët e NATO-s.
Dhe kryetari i Partisë Demokratike Lulzim Basha reagoi në lidhje me ardhjen e afganëve në vendin tonë, ku thekon se kemi detyrime ndaj NATO-s.
Ndërkohë që kam reaguar dhe ish kryeministri Sali Berisha i cili është shprehur pro ardhjes së tyre në Shqipëri por ka akuzuar Edi Ramën se po bën politikë.
Ndërkohë që presidenti i vendit Ilir Meta deri pasdite vonë nuk ka patur asnjë reagim në lidhje me këtë kërkesë të ardhur nga Shtete e Bashkuara të Amerikës.
Në postimin e fundit, ka përkujtuar një vjetorin e ndarjes nga jeta të politikanit shqiptar të Maqedonisë së Veriut, Arbën Xhaferit.
Meta shprehet se urtësia, vizioni largpamës, këshillat e çmuara dhe trashëgimia e vyer intelektuale, kulturore dhe politike e tij, do të na shërbejë gjithmonë si frymëzim për progres.
Nuk dihet si ta marrim këtë heshtje të Presidentit të Shqipërisë, kur dhe homologja e tij nga Kosova, Vjosa Osmani ka shprehur qëndrimin e saj.
