Prej dy ditësh Presidenti i Republikes Ilir Meta i është rikthyer debatit me kryeministrin Rama mbi ndryshimet kushtetuese.
Meta është shprehur se ndryshimi i sistemit, heqja e koalicioneve, hapja e listave bëhen vetëm me referendum. Këtë të fundit, e ka ironizuar sekretari i Marredhenieve me mediat në PS, Alfred Peza i cili nëpërmjet një postimi shkruan se nëse janë kaq të sigurt se popullin e kanë me vete atëherë përse vijojnë ti bojkotojnë zgjedhjet?
Postimi i plotë
“O POPULL! Sa gjëra bëhen në emrin Tënd. Edhe vetë NALTMADHNIA paska folur në emrin tënd!
Dy herë është bërë vërtetë referendum në Shqipëri, po për të gjithë KUSHTETUTËN dhe jo për hapjen apo mbylljen e listave.
Vetëm një gjë nuk ka të qartë POPULLI:
Kur këta që flasin në emër të Tij, janë kaq shumë të sigurtë që e kanë me vete, atëherë përse kanë kaq shumë frikë nga vota e POPULLIT në zgjedhje?
Përse bojkotojnë siç bënë më 2019 dhe nuk duan që të hapen lista që POPULLI që i do kaq shumë, ti zgjedhë?!”
