Zbardhet arsye përse ka nisur sherri mes 71-vjeçarit Lefter Zhidru dhe ish-gruas së tij në Elbasan, ngjarje që ka shkaktuar që i moshuari të marrë armën dhe të qëllojë nga ballkoni i shtëpisë së tij.
Siç kanë treguar fqinjët, kur ish-bashkëshortja e tij ka hyrë në shtëpi së bashku me vajzën 14-vjeçare, i moshuari i ka kërkuar llogari duke e pyetur se ku kishte shkuar, pikërisht në këtë moment nisi konflikti mes tyre.
Gjatë debatit i moshuari e ka humbur toruan dhe ka shkuar të marrë armën e zjarrit për të vrarë ish të shoqen.
Ajo e ka kuptuar dhe menjëherë ka dalë nga banesa bashkë me të bijën duke marrë Policinë e telefon.
Ndërkohë i moshuari ka dalë në ballkon dhe ka terrorizuar me kallashnikov Elbasanin duke plagosur dhe dy të rinj kalimtarë, Ledio Saraçi 22 vjeç dhe Adenouer Konaxhiu, 21 vjeç.
