Kanë dalë pamjet e vrasjes së shqiptarit, Albert Bako, i cili ndodhej në një burg në Greqi. Bako u vra më 14-janar të 2019 në burgun grek të Koridhalos.
Në videon e mëposhtme duket qartë momenti kur Bako është goditur me grushta dhe thika nga disa të tjerë të dënuar. Në këto pamje shihet qartë se ai i mbuluar nga gjaku vrapon për të shpëtuar. Ajo që vihet re është se gardianët nuk reagojnë pas goditjeve me thikë ndaj Albert Bakos, në stomak dhe pjesëve të tjera në trupit.
Në videon e publikuar shihet edhe momenti kur Bako transportohet për në spital i mbuluar nga gjaku. Bako, nuk arriti t’u mbijetojë plagëve të marra, pavarësisht ndërhyrjes së mjekëve.
Detaje për vrasjen:
Ministria greke e Drejtësisë njoftoi se vrasja ndodhi në godinën E të burgut, dhe ishte e planifikuar. Autoriteteve greke sqaruan se Bako u vra nga të burgosur shqiptarë.
Nga ministria u sqarua se vrasësit e dinin që ai do të lëvizte nga burgu i Kretës dhe i bënë një pritë për t’a vrarë më pas me thikë. Bako kishte terrorizuar një klub në Pire në nëntor të vitit 2014, pasi kishte qëlluar me kallashnikov për një valltare dhe më pas ishte dënuar me 22 vite burg për tentativën e vrasjes së një avokati.
