Gjykata e Lartë ka prishur vendimin e Apelit të GJKKO-së për pushimin e hetimeve ndaj tre gjyqtarëve Aleks Nikolli, Petrit Aliaj dhe Skënder Damini, të cilët i hoqën burgun përjetë Dritan Dajtit. Trupi gjykues i përbërë nga Ilir Panda, Albana Boksi dhe Medi Bici prishën vendimin e Apelit të GJKKO të datës 27 nëntor 2020 dhe vendosën rikthimin e çështjes në të njëjtën gjykatë, por me tjetër trupë gjykuese.
Rekursin në Gjykatën e Lartë për këtë çështje e kanë bërë vetë 3 gjyqtarët pasi nuk kanë marrë mbrapsht paratë e sekuestruara nga kontrollet e ushtruara më parë në banesat tyre në kundër të hetimeve si dhe celularët.
Dritan Dajti u dënua me burgim të përjetshëm nga Gjykata e Krimeve të Rënda për vrasjen e 4 punonjësve të policisë dhe ndodhet në qeli prej vitit 2008. Por, në shkurt te vitit 2019 një trupë gjykuese pranë Apelit vendosi të shuante burgimin e përjetshëm për Dajtin duke e dënuar atë me 25 vite burg.Tre gjyqtarët Skënder Damini, Aleks Nikolli dhe Petrit Aliaj në shumicë, vendosën të pranojnë kërkesën e Dajtit për gjykim të shkurtuar, çka uli dënimin e tij me 1/3. Ndërsa dy gjyqtarët e tjerë në pakicë ishin Fuat Vjerdha dhe Lindita Hoxha. Por vendimi i Apelit u prish nga Gjykata e Lartë, e cila me një vendim të 11 qershorit 2024 riktheu dënimin me burg përjetë për Dritan Dajtin.
Dritan Dajti është shpallur fajtor për vrasjen e katër efektivëve të policisë në 7 gusht 2008 në Durrës, Kastriot Feskaj, Altin Dizdari, Sajmir Duçkollari dhe Fatos Xhani gjatë një operacioni për arrestimin e tij.
