Gjykata e Lezhës ka lënë në burg Ruben Saraivën, portugezin që akuzohet si vrasësi i Ardian Nikulajt.
Prokurori i çështjes kërkoi që masa e arrestit të mbetej në fuqi, duke theksuar se nuk kishte ndryshime në elementët penalë dhe juridikë të akuzës, ndërkohë që avokati mbrojtës kërkoi lirimin e tij për shkak të mungesës së provave.Sipas avokatit, nuk ka prova për mbajtjen e tij në burg gjatë hetimit, teksa është kërkuar edhe që prokuroria duhet të merret dhe me bisedat që dolën në Sky Ecc.
Sipas tij, prokuroria nuk ka sjellë fakte të reja dhe kërkon masë më të lehte sigurie për klientin e tij.
