Një 46-vjeçar, i cili ishte shpallur i humbur që prej datës 11 shkurt, është gjetur sot i pajetë në banesën e tij nga e ëma mëngjesin e sotëm në Vlorë.
Ngjarja u regjistrua në lagjen “24 Maji”, ndërsa viktima është identifikuar si Altin Alikaj. Rrethanat e ngjarjes janë të paqarta, teksa denoncimin në polici për zhdukjen e 46-vjeçarit e kishte bërë kushëriri, ndërsa trupi u gjet sot nga e ëma, e cila sapo ishte kthyer nga Greqia.
Policia nuk bën me dije shkakun e vdekjes së ushtarakut, e po ashtu nuk dihet se përse banesa e tij nuk ishte kontrolluar prej kaq ditësh, teksa dyshohet se 46-vjeçari ishte përdorues i lëndëve narkotike. Momentalisht informacionet për ngjarjen janë të pakta, teksa pritet të zbardhet në minutat në vijim.
