Sekretari amerikan i mbrojtjes, Lloyd Austin, tha të shtunën se ushtria ruse ishte “gati për të goditur” Ukrainën, raporton Reuters, edhe pse theksoi se shpreson që presidenti rus, Vladimir Putin, do të tërhiqej nga pragu i luftës.
Gjatë një vizite në Lituani Austin u zotua se Uashingtoni do të qëndrojë me aleatët e tij pasi rajoni shihte me ankth rreziqet e një pushtimi të mundshëm.
“Dua që të gjithë në Lituani, Estoni dhe Letoni të dinë – dhe unë dua që presidenti Putin në Kremlin të dijë – se Shtetet e Bashkuara qëndrojnë me aleatët tanë”, tha Austin në një konferencë shtypi në Vilnius, pas bisedimeve me zyrtarët lituanezë.
Sakaq, përndryshe nga deklaratat, Rusia mohon planifikimin e ndonjë sulmi.
