I riu shqiptar Daniel Muka, 25 vjeç, ka mohuar të jetë fajtor për vrasjen e Christian Pandolfino dhe Ivor Maciejowski në shtëpinë e tyre në Sliema të Maltës të martën më 18 gusht. Muka, një shqiptar, tha se punonte si larës makinash. Në seancën e sotme, Gjykata urdhëroi ngrirjen e pasurive të tij.
Ai u akuzua zyrtarisht për vrasjen me dashje të Pandolfino dhe Maciejowski, dhe për vjedhjen e rreth 2.329 € në argjendari dhe sende të tjera. Ai gjithashtu u akuzua për mbajtjen e armëve të zjarrit pa leje dhe municionit, përdorimin e një automjeti të vjedhur, si dhe vjedhjen e dy targave të makinave
Muka u identifikua nga pamjet kamerave të sigurisë të marra nga policia, dhe më vonë u kap pasi nuk arriti të nënshkruajë pranë policisë për shkak se ishte liruar me kushte për krime të tjera.
Muka është akuzuar tashmë për vrasje në tentativë të dy policisë dhe një grabitje të rrezikshme në një dyqan argjendarie në Sliema.
Muka u përfaqësua në gjykatë nga avokatët Noel Biancho dhe George Anthony Buttigieg, të cilët kërkuan që klienti i tyre të vlerësohet nga një psikiatër dhe t’i jepet çdo ndihmë e tillë psikologjike siç kërkohet.
Pas kërkesës, gjykata urdhëroi një psikiatër për të vlerësuar gjendjen psikiatrike të të akuzuarit. Nuk kishte asnjë kërkesë për lirim me kusht.
Të mërkurën në mbrëmje, një person i dytë u arrestua i dyshuar se ishte i përfshirë në vrasjen e dyfishtë. Policia nga sektori i krimeve të mëdha arrestoi të dyshuarin në një hotel në Gzira në ora 11:00.
Një person i tretë, një burrë maltez, u mbajt për t’u marrë në pyetje nga policia mbi dyshimet se po ndihmonte Mukën të fshihej para arrestimit.
Arrestimi erdhi një javë pas vrasjes së Chris Pandolfino, 58 vjeç, dhe Ivor Maciejowski, 30 vjeç. Çifti homoseksual u vra në shtëpinë e tyre për arsye ende të panjohura.
