Presidenti i Republikës, Ilir Meta është bërë pjesë e ceremonisë mortore dhe homazheve shtetërore në nder dhe respekt të Adem Demaçit.
Gjatë fjalës në ceremoninë zyrtare Meta tha se Demaçi do të mbetet përherë heroi i rezistencës për liri. Teksa e cilësoi si model të përkushtimit ndaj Atdheut, kreu i shtetit tha se e gjithë bota Demaçin e njohu si Mandelën e Europës.
“I dashur bac Adem, ti ia dole të sfidojë. Pasi ti ishe Adem Demaçi i Kosovës, i Shqipërisë. Europa të njohu si Mandela shqiptare, Ti ke qen dhe je Adem Demaçi shqiptar, dhe maratonamku shqiptar. Je shkrimtari, gazetari, politikani i veçantë dhe humanisti i shquar. Ti je Adem Demaçi. Sot dhimbja është e madhe. I lehtë të qoftë dheu në Kosovë, që aq shumë e deshe”, tha Meta.
Ndërkohë, mësohet se pas homazheve shtetërore në Prishtinë, Demaçi do të përcillet për në banesën e fundit.
