Kryedemokrati Lulzim Basha është shprehur në emisionin “Opinion” se do të jetë ai kryeministri i ardhshëm nëse opozita fiton zgjedhjet e 25 prillit.
Sipas tij, kjo është një preferencë e qytetarëve që të jetë ai në krye të qeverisë, por edhe një vendim i koalicionit.
“Unë jam kandidati për kryeministër i të gjithë opozitës. Është një vendim i shpallur, jo vetëm si vendim i koalicionit, por edhe i pëlqimit të qytetarëve. Shihet në terren se qytetarët kanë një preferencë të qartë që unë të jem kryeministri i ardhshëm”, tha Basha.
