Mbrojtja e Fadil Kasemit ka kërkuar që të hiqet akuza për rrëmbim personi, pasi ka qënë vetë i pandehuri Kasemi ai që i ka treguar, shoferit rrugën për në komisariat dhe është vetëdorzuar.
Gjithashtu mbrojtja kërkoi thirrjen e 6 dëshmitarëve për të treguar jetën që ka pasur i pandehuri dhe viktima përpara divorcit. Sipas dëshmitarëve, Kasemi ka qënë një familjar i rregullt. Prej tyre është kërkuar dhe vendimi nga Gjykata e Tiranës, për të parë arsyet që çuan në divorc.
Sipas mbrojtjes duhet të hetohet jo vetëm ngjarja, të cilën ata e cilësojnë atë të rëndë por dhe rrethanat që çuan autorin ta kryejë krimin.
Në fund mbrojtja ka kërkuar edhe riekspertimin e gjendjes psikike te Kasemit, pas divorcit dhe në momentin kur është kryer vrasja. Ku sipas tyre Kasmei ka qënë i shtruar në spital.
