Qendra Evropiane për Parandalimin dhe Kontrollin e Sëmundjeve (ECDC) njoftoi të hënën ngritjen e një mekanizmi të posaçëm gjurmues për të monitoruar shpërndarjet e vaksinave në vendet anëtare të BE dhe përdorimin e tyre sapo t’i marrin ato.
Nisma u njoftua nga Komisioni Evropian disa kohë më parë, por u shty deri tani. Grupi i parë i të dhënave është tani në dispozicion në faqen e internetit të ECDC përmes vëzhguesit COVID-19, një panel kontrolli interaktiv ‘i drejtpërdrejtë’ që siguron të dhënat më të fundit të raportuara nga vendet e BE / EEA.
“Me shumë kënaqësi ne lëshojmë “Vaccine Tracker” që na ofron një panoramë gati të drejtpërdrejtë të progresit të procesit të vaksinimit në Evropë,” tha drejtori i ECDC Andrea Ammon.
“Fushatat e vaksinimit nuk duhet të shihen thjesht si një garë për numrin më të madh dhe më të shpejtë të personave të vaksinuar. Por është një proces që kërkon progres, që tregon se strategjitë e vaksinimit do të duhet të jenë fleksibile dhe të adaptueshme”.