Me 15 tetor u zhvillua testi fizik për kandidatët në garën për hetues të Byrosë Kombëtare të Hetimit.
Ditën e sotme është njoftuar se nga 403 kandidatë, testin fizik e kanë kaluar vetëm 103 kandidatë.
Testimi i Aftësive fizike u zhvillua nën vëzhgimin dhe monitorimit e Komisionit Ndërkombëtar të Ekspertëve, të caktuar nga misionet e Qeverisë së Shteteve të Bashkuara të Amerikës dhe Bashkimit Europian në Shqipëri.
Në fazën tjetër, që do të zhvillohet me datën 26.10.2020 kandidatët e kualifikuar do t’i nënshtrohen edhe testit të esesë me shkrim.
Udhëzimi për zhvillimin e testit të arsyetimit logjik:
Testi i Esesë me shkrim zhvillohet për të demonstruar nivelin e aftësive në shkrim dhe këndim, përdorimin e MS Ëord, arsyetimin logjik dhe aftësinë për të artikulur idetë me shkrim.
Testi i Esesë me shkrim zgjat 1 orë, dhe mënyra si do të bëhet vlerësimi pasqyrohet tek tabela më poshtë.
Testimi do të zhvillohet në ambientet e Pallatit të Kongreseve, hyrja përballë Presidencës.
Kandidatët do të paraqiten për testim në orën 08.00, të datës 26.10.2020, në adresën e sipërcituar.
Kandidatët në testin me shkrim do të jenë të pajisur me maska për sigurinë shëndetësore të tyre, ndaj pasojave të infeksionit COVID – 19.
Kandidatët para se të hyjnë në testin me shkrim do të regjistrohen duke paraqitur një dokument identifikimi me fotografi (pasaportë ose kartë identiteti). Dokumenti identifikimit do të krahasohet me gjeneralitetet e parashikuar në listën emërore.
Kandidatëve do t`u jepen udhëzime për zhvillimin e testimit.
Kandidatët gjatë zhvillimit të testit me shkrim, në ambientin ku zhvillohet testi, nuk lejohet të mbajnë telefona celularë, pajisje elektronike, libra ose shënime.
Nuk lejohet asnjë lloj komunikimi me kandidatêt e tjerë pasi kanë hyrë në ambientin ku zhvillohet testi.
Mosrespektimi i këtyre rregullave dhe udhëzimeve të tjera të dhëna nga vëzhguesit do të rezultojnë në largimin e menjëhershëm të kandidatit dhe moskualifikimin e tij për në Byronë Kombëtare të Hetimit.
