Gabriel Jesus ka bërë një fillim sezoni më shumë se sa mbresëlënës me Manchester City-n. Lider në Premier League me skuadrën që drejtohet nga Pep Guardiola, i riu brazilian ka firmosur 6 herë në 8 ndeshje të luajtura duke konfirmuar se është shumë i rëndësishëm për skuadrën e tij, si në aspektin realizuaes ashtu edhe për lojën e grupit.
Gjatë një intervistë për SRF Sport, Gabriel Jesus ka folur edhe për shokun e tij te Seleçao Neymar: “Është një lojtar i jashtëzakonshëm dhe një njeri shumë i mirë. Jam i lumtur që është një nga miqtë e mi. Ai është një futbollist që do gjithmonë të fitojë, dhe t’i ndihmojë të gjithë. Kur jam në shtëpi i shikoj ndeshjet e tij me PSG-në. Do ta mbështesja gjithmonë. A është futbollisti më i mirë në botë? Jo, jo për momentin. Por ka gjithçka për t’u bërë”, vlerësoi Gabriel Jesus për transferimin më të shtrenjtë të historisë së futbollit, 222 milionë euro nga Barça te PSG në verë.
