Ndërkohë që vijonte protesta e opozitës, të hënën e 18 dhjetorit, kur Parlamenti miratoi me votat e shumicës kryeprokuroren e përgjithshme të përkohshme Arta Marku, deputetet e Partisë Socialiste kishin menduar një tjetër strategji. Ato u larguan nga rrëmuja dhe u stacionuan në një bar të ngrohtë, në një qendër komerciale, afër sallës së Parlamentit.
Ajo që na ra në sy, ishte se të gjitha deputetet mbanin në duar arushë pellushi. Nuk e kuptuam se për çfarë arsye. Por, siç shihet nga fotot, ishin të qeta dhe të relaksuara, a thua se s’ka ndodhur asgjë në Parlament.
