Lulzim Basha ka filluar nga sot përgatitjet për zgjedhjet e ardhshme parlamentare, që pritet të mbahen mesin e muajit prill dhe maj të 2021-shit.
Në mbledhjen e kryesisë së PD, të cilin Basha kishte dy ditë që e sponsorizonte në meedia, paralajmëroi një vendim të rëndësishëm që do të merrej dhe që do të vendoste pikat mbi “i” për përgatitjen e demokratëve për zgjedhje.
Vendimi është marrë dhe konkludon në faktin se kandidatët për deputetë dhe kryetarë bahskie tani e tutje do të zgjidhen nga anëtarësia e PD sipas parimit “një anëtar një votë”.
Për këtë arsye, grupi i punës ka hartuar dhe formularin që duhet të plotësojnë personat që duan të garojnë si kandidatë për listat e PD.
Ajo që vihet re është se Basha ka hartuar disa pyetje vërtet naive, qesharake dhe aspak dinjitoze pë rtë gjithë ata persona që pritet të futen në listat e kandidatëve.
Në formular është një pyetje ku kërkohen emrat e tre shokëve të universitetit dhe një tjetër ku kërkohen emrat e tre shokëve të viteve të fundit.
Gjithashtu personat që garojnë si kandidatë pyeten nëse kanë pirë ndonjëherë lëndë të jashtëligjshme narkotike dhe nëse janë konsumues të alkoolit.
Dhe nëse bëhet fjalë pë rkëtë të fundit, “klasën” e kalojnë vetëm Berisha dhe Basha që nuk punë asnjë pikë alkol, pasi të tjerët nuk kursehen, janë pjedashës të fortë dhe e mbajnë pijen. Shpëton dhe Bardhi që pi vetëm lëngje.
Ndërkohë që ka dhe pyetje të tjera që kanë të bëjnë me anën emocionale dhe psokologjike, çka i jep akses Grida Dumës.
Duke parë këtëz formulari të përgatitur nga Basha dhe të cilin do ta plotësojnë të gjithë ata që do të bëhen pjesë të listave të kandidimit për deputetë në vitin e ardhshëm, duket si një anketë për të rinjtë apo nga ata që aplikojnë në ndonjë OJF.
