Kryeministri Edi Rama ka ndarë mbrëmjen e sotme një foto të flamurit izraelit në fasadën e goditës së Universitetit të Politeknikut në Tiranë.
Nëpërmjet një mesazhi në rrjetet sociale Edi Rama shpreh solidarizimin me popullin izraelit.
‘Shqipëria qëndron me IZRAELIN
Mendimet dhe lutjet tona janë me familjet e viktimave të sulmit mizor terrorist dhe të njerëzve të pafajshëm të marrë peng nga terroristët.’- shkruan Rama.
Kujtojmë se kabineti i sigurisë së Izraelit shpalli gjëndjen e luftës pas sulmeve të grupit të militantëve palestinezë të Hamasit, që lanë të vrarë deri tani 700 persona mbi 2000 të plagosur dhe 100 pengje.
Zyra e kryeministrit izraelit, Benjamin Netanyahu, tha se ky vendim u mor për shkak se shteti u përball “me sulme terroriste nga Gaza”.
